Стартува вториот круг на преговорите за Брегзит
Објавено во: Свет 17 Јули, 2017
Европската унија и Велика Британија почнуваат денеска повторно преговори за излегувањето на Велика Британија од структурите на Заедницата. Се очекува преговорите да завршат до март 2019 година.
Во овој период двете страни треба да постигнат согласност за клучните прашања, меѓу кои иднината на европските граѓани, кои се засолнети на територијата на Велика Британија, како и тоа на Британците кои живеат во други европски држави.
Во оваа фаза се забележани разлики во позициите на двете страни. Од Брисел не се согласуваат за правата на европските граѓани на Велика Британија да се дефинираат преку британски закон. Предлогот на Лондон предвидува создавање на две класи европски граѓани - оние кои пристигнуваат во Велика Британија пред заминувањето нејзиното заминување од ЕУ, и оние кои пристигнуваат потоа. Оние кои пристигнале пред договорениот краен рок и престојувале во земјата 5 години без прекин, ќе имаат право да аплицираат за утврден статус. Пристигнатите потоа, нема да го имаат тоа право.
За време на разговорите ќе се разјаснат и финансиските димензии. Според експертите до четврток главните преговарачи на двете страни - Мишел Барние и Дејвид Дејвис ќе назначат работни групи кои ќе почнат да работат на овие прашања.
Преговорите за Брегзит започнаа на 19 јуни. Основната цел е да се постигне договор меѓу Брисел и Лондон за излегувањето на земјата од ЕУ, како и договарање на идните односи.