Стeрjовски: Побарав поголема застапеност на Македонците во структурите на албанската полиција
Објавено во: Македонија, Балкан 22 Јули, 2019
Побарав поголема застапеност на Македонците во структурите на албанската полиција, ја истакнав потребата да бидат поставени на раководни позиции, а во областите населени со Македонци раководители на полицијата да бидат Македонци, изјави пратеникот од Македонска алијанса за европска интеграција во Парламентот на Албанија, Васил Стерјовски по средба со министерот за внатрешни работи, Сандер Леши.
Со него разменил мислења за повеќе теми што ги засегаат Македонците во Албанија.
Министерот Леши потенцирал дека вклучувањето на Македонците во структурите на полицијата е неопходно и за самата полиција. Притоа истакнал дека сите Македонци и Македонки кои сакаат да бидат дел од албанската полиција да конкурираат на двата повика на Министерството за внатрешни работи.