Стево Пендаровски нема да им се извини на луѓето кои беа дел од СЈО
Објавено во: Македонија 05 Август, 2020
Претседателот на државата, Стево Пендаровски нема да му се извини на СЈО.
„Претседателот не чувствува потреба да им се извинува на поранешните вработени во Специјалното јавно обвинителство, затоа што неговата оценка за поранешното СЈО од говорот по повод 2 Август-Денот на Републиката, Илинден, воопшто не се однесува на вработените. Оценката се однесува на првиот човек во тоа обвинителство, која беше единствена овластена да покренува обвиненија во име на СЈО и која подоцна заврши како обвинета и осудена во прв степен“, велат од Кабинетот на шефот на државата за Лидер.
Обвинителката Ленче Ристоска рече дека СЈО не треба да го користи како боксерка вреќа.
Eкс вработени во стручната служба и административно-техничкиот персонал на укинатото Специјално јавно обвинителство реагираа за дел од говорот на претседателот на државата, Стево Пендаровски за Илинден во Пелинце.