СТО ЕВРА ПОВЕЌЕ ИЛИ ЛЕТАШ НАДВОР - станоиздавачите дрско ги зголемуваат кириите во Србија поради доаѓањето на избеганите Руси
Објавено во: Балкан 25 Септември, 2022
Од почетокот на војната во Украина, забележливо е доаѓањето на голем број Руси во Србија, пред се во Белград, а откако Владимир Путин нареди делумна мобилизација, во следните две недели се очекуваат уште околу 4.000 Руси.
Тие, според предвидувањата дополнително ќе ги зголемат цените за изнајмување станови во главниот град.
Додека секојдневно има огласи за станови, куќи, па и гаражи кои можат да се видат први на социјалните мрежи, сведоци сме дека освен што се продаваат, се поскапуваат и недвижностите за изнајмување. Тоа најдобро на своја кожа го почувствувале учениците и нивните родители, кои во повеќе наврати ги облеале студената пот во потрага по квадратни метри станбена површина.
Сепак, донекаде подготвени за моменталната состојба на пазарот, тие можеа однапред да проценат колку може да издржи нивниот буџет и на тој начин да го стеснат нивното пребарување. Меѓу имало и станари кои се нашле во ситуација газдата да сака да ја покачи киријата за неверојатни 50 проценти.
Токму таква ситуација и се случила на една белграѓанка, која добила известување од сопственикот дека киријата по пет години престој ќе и се зголеми за 100 евра. Како што се наведува, тоа е дури 40 отсто од целата кирија, а со поскапувањето на комуналиите и храната, речиси е невозможно да се согласи со наметнатата состојба. Дополнително, добила рок да донесе одлука во следните неколку дена, а во спротивно веднаш да се исели.
Блиц.рс