Стоиљковиќ: Доживеав по којзнае кој пат, да ме прогласат за предавник и тоа еден политичар со минорни морални карактеристики

Добивај вести на Viber

Иван Стоиљковиќ, пратеникот од ДСПМ вели дека се води хајка против него. 

Рече дека доживува по којзнае кој пат да го прогласат за предавник. 

„Прво, пак доживеав, и тоа по којзнае кој пат, да ме прогласат за предавник, и тоа еден политичар со минорни морални карактеристики, инаку поранешен слуга на режимот, некои портали чија уредувачка политика досега со ниту еден текст не ги поддржала активностите за амнестија на осудените за 27. април, и по некој корисен идиот. Второ, инаку за волја на вистината, јас и уште 43 колеги од опозицијата потпишавме предлог законско решение за амнестија. Е сега, ние што сме го иницирале процесот, а од разни причини не сме учествувале во гласањето, секој оправдано, сме некакви виновници во спинувачката визура во која се амнестираат 58 пратеници, кои всушност гласаа против. Во ред, можете да се глупирате до бескрај. Инаку повеќето од вас не се глупави, туку само алчни, платени, зли, а многумина од вас и прости до зла Бога. Трето, едно прашање до граѓаните, дали доколку до крајот на мандатот на оваа Влада не се случат уставни промени, во што сум цврсто уверен, го знам расположението кај моите колеги пратеници, на наредните избори, референдумски ќе гласате за коалицијата “За обнова на Македонија”? Не ме прашувајте зошто, и самите знаете дека тоа треба и мора да се случи. #61“, пишува тој на Фејсбук.  

Вчера имаше полемика за тоа кој гласал, а кој не за Законот за амнестија на осудените од 27 април 2017-та.