Стојанче Ангелов: Договорена е бројката на припадници на армијата кои ќе ги обезбедуваат ковид-центрите
Објавено во: Македонија 24 Ноември, 2020
Стојанче Ангелов како одговорен во Главниот кризен штаб денеска пред медиумите објави дека со Владата било договорено да се обезбедат 295 припадници на армијата кои ќе асистираат во воспоставувањето на редот во здравствените објекти, а пред се во ковид-центрите.
Директорот на Центарот за управување со кризи рече дека е изработен конкретен план за точките кои треба да се обезбедуваат. Владата на денешната попладневна седница треба да го усвои овој прелдог, па потоа да биде предаден кај претседателот Стево Пендаровски да го одобри ангажманот на војниците.
- Армијата ќе биде невооружена ќе биде присутна само онаму каде е енеопходна како придружба на полицијата за одржување на редот. Тие превентивно ќе го одржуваат редот за да не губат време здравствените работници на споредни работи. 150 полицајци и 300 припадници на армијата ќе бидат ангажирани за обезбедување на здравствените објекти. Но планот е еластичен и бројките ќе се движат во зависност од побарувањата од Министерството за здравство, рече Ангелов.
Првиот човек на ЦУК рече дека вработените од Министерството за одбрана ќе бидат ангажирани само таму каде што има голема фреквенција на граѓани.