23 Април, 2019
0.0238

Столтенберг: Среќен сум што Грција и Турција ќе ги решаваат проблемите

Објавено во: Свет 15 Април, 2018

Генералниот секретар на НАТО е задоволен и среќен што Грција и Турција ќе ги решаваат проблемите преку дијалог, а при тоа Алијансата нема да се меша во нивните меѓусебни односи, освен што ќе понуди целосна поддршка за процесите. 

– Мислам дека одредени недоразбирања што се појавија меѓу нив треба да се решат во рамките на добрите односи. Бев многу среќен кога дознав дека премиерите на двете земји во последиот телефонски разговор се согласиле проблемите да ги решат преку дијалог – вели Столтенберг во интервју за турската агенција Анадолија.

Столтенберг, кој утре ќе допатува во посета на Турција, нагласува дека вратата на НАТО останува отворена за прием на нови членки, за  што најдобриот доказ е приклучувањето на Црна Гора кон Алијансата минатата година.

– Продолжуваме да работите со Македонија, Босна и Херцеговина и Грузија. Давајќи им поддршка на трите земји кои сакаат да бидат членки, ние им помагаме да ги постигнат нивните евроатлантски цели – додава првиот човек на НАТО.

Столтенберг во интервјуто нагласува дека целта на неговата посета на Турција е подготовката за престојниот самит на НАТО во јули во Брисел, додавајќи дека со турскиот претседател Реџеп Тајип Ердоган, со шефот на дипломатијата Мевлут Чавушоглу, и со министерот за одбрана Нуретин Џаникли ќе разговара за повеќе регионални и глобални прашања.

Според мего, Турција е значаен и клучен сојузник на Алијансата пред се поради нејзината стратешка положба и затоа ги смета за многу важни консултациите со турските лидери околу подготовките за Самитот во Брисел на кој ќе се разговара за повеќе значајни теми во однос на тоа како НАТО да се адаптира во услови на зголемени безбедносни предизвици.

– Турција е важна за НАТО, но и НАТО е важен за Турција – истакнува Столтенберг во интервјуто.


Можеби ќе ве интересира

Белорусија ќе ја остави Европа без бензин поради Русија

Белорусија ќе ја остави Европа без бензин поради Русија

Кој кому се одмаздува: Шри Ланка за Нов Зелнад

Кој кому се одмаздува: Шри Ланка за Нов Зелнад

(ВИДЕО) СТРАОТНА ГЛЕТКА ОД ФИЛИПИНИТЕ: Народот трча за да се спаси – објекти се нишаат како лулашки

(ВИДЕО) СТРАОТНА ГЛЕТКА ОД ФИЛИПИНИТЕ: Народот трча за да се спаси – објекти се нишаат како лулашки

Расте бројот на жртви во Шри Ланка: Нови приведени осомничени лица

Расте бројот на жртви во Шри Ланка: Нови приведени осомничени лица

Ќе се намали ли производството на нафта: Колку резерви има од „црното злато“

Ќе се намали ли производството на нафта: Колку резерви има од „црното злато“

ЗОШТО НЕ Е СПРЕЧЕН НАПАДОТ: 10 дена пред Велигден властите во Шри Ланка знаеле дека се планира масакр

ЗОШТО НЕ Е СПРЕЧЕН НАПАДОТ: 10 дена пред Велигден властите во Шри Ланка знаеле дека се планира масакр

(ФОТО) Која е новата прва дама на Украина?

(ФОТО) Која е новата прва дама на Украина?

(ВИДЕО+ФОТО) Фудбалерите на ПСЖ со поддршка за Нотр Дам

(ВИДЕО+ФОТО) Фудбалерите на ПСЖ со поддршка за Нотр Дам

Властите во Шри Ланка идентификуваа еден од бомбашите самоубијци

Властите во Шри Ланка идентификуваа еден од бомбашите самоубијци