Стопанска банка АД Скопје утре ќе ги исплати пензиите на картички, на шалтер од сабота
Објавено во: Мои пари 24 Март, 2020
Имајќи ги во превид засилените мерки за заштита од ширење на COVID – 19 Стопанска банка информира дека мартовските пензии од фондот на ПИОМ ќе бидат предвремено процесирани со цел да се намали присуството на пензионери во филијалите на 1виот календарски ден во месецот и да се овозможи поголема заштита на оваа категорија клиенти најосетлива на пандемијата.
Стопанска банка АД Скопје информира дека утре ќе ги исплати пензиите за корисниците на дебитни картички, кои средствата ќе може веднаш да ги користат во трговија или на банкомати.
Како што наведуваат од банката, исплатата на шалтер ќе биде возможна од сабота, кога ќе бидат отворени сите 55 филијали на Стопанска банка од 8 до 13 часот, со цел да се овозможи клиентите да располагаат со средствата, а притоа да бидат заштитени од непотребни гужви што се опасни за колективното здравје.
Банката повторно апелира до сите клиенти корисници на пензија да пристапат кон активно користење на дебитните картички и банкоматите со цел намалување на нивната потреба од користење на филијалите не само за оваа пензија туку и за пензиите кои следуваат додека траат мерките за заштита. Воедно, апелираме за разбирање од страна на останатите клиенти во овие неколку денови на процесирање на пензиите за поголема трпеливост и почитување на препораките за лична и колективна заштита.
Во филијалите влезот е ограничен на одреден број на клиенти во исто време додека пред влезот препорачано е клиентите да се држат на растојание од 2м.
Банката согласно воспоставените стандарди за работа, за новиот начин на процесирање на мартовските пензиите до клиентите ќе информира преку сите достапни канали за комуникација:
– Јавна објава на веб страницата, социјалните мрежи и медиумите
– Истакнување на известување во Филијалите и
– СМС известување за клиентите кои оставиле контакт телефон
Стопанска банка АД – Скопје, На ваша страна