19 Март, 2024
0.1842

СТОПАНСКАТА КОМОРА Е ГОРДА НА ГОЦЕ КАМЧЕВ, РЕГИОНАЛНИОТ БИЗНИС ЛИДЕР

Објавено во: Економија 04 Февруари, 2023

Добивај вести на Viber

Иницијативите за законско нормирање на холдингот, за промена на даночниот третман на кусоците во малопродажбаи и за стопански фондации се само дел од предлозите и идеите на искусниот стопанственик и менаџер Гоце Камчев, кои Комората ги разработи и предложи до надлежните институции.

Bчера не напушти Гоце Камчев, еден од успешните бизнисмени на фамилијата Камчеви, натурализиран охриѓанец, а со тоа и мој голем пријател. Животниот век го посвети на бизнисот и фамилијата, служејќи на двете работи како примерен војник, до самиот крај.

Но, Гоце беше и еден од најголемите предлагачи на суштински иницијативи за развој на бизнисот, a уште повеќе и за државата. Беше покрај мене на сите важни преговори со Владата, МАНУ, универзитетите, секаде каде што требаше мудрост и искуство. Во секојдневната комуникација-ненаметлив и одмерен. Во бизнисот- бескомпромисен. Изгради регионална империја со која Македонија може да се гордее.

Во мојата книга „Една слика, илјада зборови“ има посебен дел за него и ценам дека треба да биде пренесен:

Гоце Камчев, сопственикот на маркетите КАМ, го запознав во 1998 година, кога во хотелот „Александар Палас“ ми го образложуваше концептот за новиот начин на работа на малопродажните дисконти. Заедно со неговата ќерка Тања, зрачеше од верба и оптимизам дека искуствата од Германија ќе бидат пренесени тука кај нас. Тој концепт помина низ страшни маки, но на крајот донесе големи резултати. Во меѓувреме нашето пријателство се надградуваше.

Мојата прва средба со господинот Гоце Камчев во Комората беше специфична по неколку работи, кои ги отсликуваат и неговите особини како искусен бизнисмен:

Прво, средбата започна со неговата остра реакција за допис добиен од Стопанската комора, а заврши со честитки за професионалноста и познавањето на правната регулатива на нашиот персонал. Тоа се случи во април 2014 година, кога КАМ како членка на Комората побарала од коморските служби мислење за споредбено рекламирање, согласно Законот за заштита на потршувачите, во врска со рекламите кои маркетите „Кам“ ги објавувале во дневните медиуми и на своите продажни објекти, а од инспекциските служби биле посочени како заведувачко рекламирање. Од Комората добил одговор односно мислење, во кое е цитирана релевантната домашна и меѓународна регулатива, согласно која се наведени правилата за споредбено рекламирање, односно дека не е доволена споредба на цени на исти артикли и на група артикли кои се продаваат во конкуретски компании, како и споредба на цени на многу слични артикли, но од различни брендови, според примерите кои ги навеле во барањето, што беше причина за реакцијата – како е можно за членка на Комората да се даде еден вид „негативно“ мислење?

Второ, средбата во Комората траеше околу пет часа. На неа беше повикана и Елена Милевска Штрбевска, која во улога на оперативен директор на Комората требаше да појасни зошто Комората дала такво мислење. Спротивставувањето на аргументите меѓу Гоце и Елена личеше на едно судско рочиште, а канцеларијата беше распослана со примери на огласи за реклами од „Алди“ и „Лидл“ од страна на Гоце, и службени весници и правилници од страна на Елена. По долго аргументирање, средбата заврши со честитки за објективноста и познавањето на регулативата од страна на нашите правници. Но, мора да признаам, воопшто не изгледаше лесно, а доблеста да се каже „браво“ по сето тоа, е нешто што господинот Камчев го отсликува како исклучителен професионалец, човек кој воопшто не е суетен, ниту субјективен, човек кој знае да цени нечиј труд и знаење.

Почивај во мир мој пријателе!

Бранко Азески, претседател на Стопанска комора на Северна Македонија


Можеби ќе ве интересира

Европската унија воведува царини за руското жито, цената ќе скокне најмалку за 50 отсто

Европската унија воведува царини за руското жито, цената ќе скокне најмалку за 50 отсто

Љупчо Николовски: 30 милиони евра од извоз на зелка

Љупчо Николовски: 30 милиони евра од извоз на зелка

ДАВА СТРУЈА КОЛКУ ЕДЕН БЛОК НА РЕК БИТОЛА - се огласи ЕСМ за присоединувањето на ТЕЦ Неготино, велат дека е оправдано

ДАВА СТРУЈА КОЛКУ ЕДЕН БЛОК НА РЕК БИТОЛА - се огласи ЕСМ за присоединувањето на ТЕЦ Неготино, велат дека е оправдано

Од што „Македонијатурист“ годинава ќе ги прави големите пари?

Од што „Македонијатурист“ годинава ќе ги прави големите пари?

ЗЕЈТИНОТ НЕ ГИ „ПОДМАЧКА“ ПРИХОДИТЕ НА „ВИТАМИНКА“, НО ДОБИВКАТА Е ОДЛИЧНА - како прилепската фабрика лани го удвои својот профит

ЗЕЈТИНОТ НЕ ГИ „ПОДМАЧКА“ ПРИХОДИТЕ НА „ВИТАМИНКА“, НО ДОБИВКАТА Е ОДЛИЧНА - како прилепската фабрика лани го удвои својот профит

Железницата ги издаде складиштата за дизел во Лисиче

Железницата ги издаде складиштата за дизел во Лисиче

СЕ ПОВЕЌЕ ЕНЕРГИЈА ОД ОБНОВЛИВИ ИЗВОРИ, НО НЕ И ОД ХИДРОЦЕНТРАЛИТЕ – еве што покажуваат бројките на статистика

СЕ ПОВЕЌЕ ЕНЕРГИЈА ОД ОБНОВЛИВИ ИЗВОРИ, НО НЕ И ОД ХИДРОЦЕНТРАЛИТЕ – еве што покажуваат бројките на статистика

ДОБРА ВЕСТ ЗА СИТЕ СО КРЕДИТИ: Се очекува намалување на каматите - издржете уште малку, еве кога ќе се случи тоа

ДОБРА ВЕСТ ЗА СИТЕ СО КРЕДИТИ: Се очекува намалување на каматите - издржете уште малку, еве кога ќе се случи тоа

ИМА ДОГОВОР ЗА ДЕЛ ОД АМЕРИКАНСКИОТ ПРЕДЛОГ: Дали Косово попушта за динарот?

ИМА ДОГОВОР ЗА ДЕЛ ОД АМЕРИКАНСКИОТ ПРЕДЛОГ: Дали Косово попушта за динарот?