14 Август, 2020
0.0231

Странските инвестици дојдени лани: „Дура“ ќе добие девет, а за „Костал“ 10 милиони евра од државата

Објавено во: Економија 13 Јуни, 2019

Американската инвестиција Дура Аутомотив доведена во 2018-та во слободните економски зони ќе добие вкупни субвенции од дури 9 милиони евра од државата. Ова е потврдено и вкалкулирано во извештајот на Комисијата за заштита на конкуренцијата за минатогодишните странски инвестиции. Компанијата од автомобилската индустрија која ќе произведува надворешни трим делови ќе добие убедливо најголема „награда“ од 553 милиони денари, а планирано е да вработи и најмногу работници - околу 500-тини. 

Додека Дура Аутомотив е договорена од новата Влада, „Костал“ кој се води како инвестиција привлечена од старата гарнитура во 2018-та, ќе добие 10 милиони евра, односно 615 милиони денари, со ланското решение за државна помош. Производителот од Струга за електронски и мехатронски делови во автомобилска индустрија заедно со Дура Аутомотив се убедливо „најскапите“ инвестиции во економските зони.

Владата овие субвенции ги одобри лани, а исто така беа одобрени од Комисијата за заштита на конкуренцијата, .Според договорот беше објавено дека „Дура Аутомотив“ ќе добие 2,8 милиони евра, од кои 1 милион стандардни и 1,8 дополнителни до завршувањето на инвестицијата. Ќе добива и помош по вработен со над 18.000 денари плата, иако не се наведува колку ќе биде износот по глава, додека за другите инвеститори субвенцијата од 2.000 до 3.000 евра е експлицитно пропишана.

Владата за Костал дава готовински грант во износ до 10 проценти, но не повеќе од милион евра од планираните инвестиции, плус дополнителна помош во износ до 10 отсто од инвестициските трошоци во три годишни транши по исполнување на условите од договорот. За оваа компанија има и по 2.000 евра за првите триста вработени со плата од над 18.000 денари и по 3.000 евра за следните 50 вработени.

Значително помала државна помош има за  Кранфилд Фаундри со 2,5, Баумер со 2,37, Мурат Виринг Сиситемс со 2,25 и ОДВ Еектрик со 2,1 милиони евра. По два милиони евра има за Теламон Европа. и ВИК Македонија со решение одобрено лани.

Покрај активната парична помош, тука влегуваат и стандардните ослободувања во наредните 10 години од плаќање на персоналниот данок на доход и данокот на добивка, ДДВ, царински ослободувања и олеснувања; плаќање на надоместокот за уредување на градежно земјиште и изземање од обврската за поднесување на гаранција на царински долг

Станува збор за одобрена државна помош со потпишани решенија минатата година, што значи дека овие средства не се исплатени, туку тоа се вкупните суми кои треба да ги добијат според постигнатите договори. 

А.К.

Можеби ќе ве интересира

Македонија меѓу земјите со најмал ризик за перење пари

Македонија меѓу земјите со најмал ризик за перење пари

Која македонска компанија подготвува нешто за првпат достапно на мобилен телефон?

Која македонска компанија подготвува нешто за првпат достапно на мобилен телефон?

ЕНЕРГЕТСКАТА ЗАЕДНИЦА ПОРАЧАЛА: Струјата не треба да биде евтина за сите, но да им се помогне на оние погодени од ковид кризата

ЕНЕРГЕТСКАТА ЗАЕДНИЦА ПОРАЧАЛА: Струјата не треба да биде евтина за сите, но да им се помогне на оние погодени од ковид кризата

Силк Роуд Банка: Важни информации за сите идни приматели на пензија

Силк Роуд Банка: Важни информации за сите идни приматели на пензија

Денеска протест против поскапувањето на струјата во неколку градови, главниот во Скопје

Денеска протест против поскапувањето на струјата во неколку градови, главниот во Скопје

ИМАЛО ЛИ ЗАИНТЕРЕСИРАН ИНВЕСТИТОР - кој сакал да достави понуда за Еуростандард банка?

ИМАЛО ЛИ ЗАИНТЕРЕСИРАН ИНВЕСТИТОР - кој сакал да достави понуда за Еуростандард банка?

Зошто Македонците доцна заминуваат од домот на родителите?

Зошто Македонците доцна заминуваат од домот на родителите?

Нема да можете да плаќате сметки во пошта, еве зошто...

Нема да можете да плаќате сметки во пошта, еве зошто...

КХВ: Укината дозволата на Дирекцијата на Еуростандард, пазарот останува стабилен

КХВ: Укината дозволата на Дирекцијата на Еуростандард, пазарот останува стабилен