СТРАШНА ЕКСПЛОЗИЈА ВО ТУРЦИЈА ПО ЗЕМЈОТРЕСОТ! Огнот проголта се пред себе
Објавено во: Свет 06 Февруари, 2023
Во најјужната турска провинција Хатај, која беше погодена од земјотресот, дошло до експлозија на гасовод и избувнал пожар. Како што јавуваат турските медиуми по земјотресот што погоди 10 градови во Кахраманмараш, имало експлозија и пожар во гасоводот за природен гас во селото Топбогази во областа Кирихан во Хатај.
Како што јави агенцијата ИХА, експлозијата се случила на два различни делници од гасоводот, кои се оддалечени три километри. Пожарот се уште не е изгаснат.
Началникот на селото Топбогази Билал Алпдоган истакна дека експлозија е проследена со пожар кој избувнал на две различни точки, 200 метри под селото и 3 километри подалеку. Се дозна дека пожарот продолжил, а активни биле и претставници на Боташ.
Ботас, турската државна компанија за трговија со нафта и природен гас, претходно соопшти дека разорниот земјотрес не ги оштетил операциите на нафтоводот, но како мерка на претпазливост одлучи да го прекине снабдувањето со природен гас во голем број региони, вклучително и Хатај, во близина на епицентарот на земјотресот.
Hatay'da doğal gaz boru hattı patladı
— Odatv (@odatv) February 6, 2023
Да потсетиме, земјотресот со јачина од 7,8 степени по Рихтер ја погоди Турција на границата со Сирија околу три часот по полноќ. Според последните информации, по првиот земјотрес се случиле уште околу 40. Природната катастрофа досега однесе над 600 животи.
Во Сирија, која веќе е опустошена од граѓанската војна која трае 11 години, владин здравствен претставник изјави дека повеќе од 237 луѓе загинале, а околу 600 се повредени, повеќето во провинциите Хама, Алепо и Латакија, каде што се урнале бројни згради.
Фото: Принтскрин/Твитер