18 Август, 2019
0.0276

Страв од блокирани сметки, УЈП не го одложува рокот за ДДВ-пријави

Објавено во: Финансии 25 Јануари, 2019

За трговците и за компаниите кои работат со фактури денес е последен ден да пријават Данок на додадена вредност (ДДВ) и стравуваат дека ако не го запазат рокот сметките ќе им бидат блокирани бидејќи електронскиот систем за прием на пријави не функционира тековно.

- Системот не е паднат или блокиран, туку станува збор за негово побавно работење. Засега Управата останува на датумот дека 25 јануари треба да биде последен ден, а доколку има одложување информацијата ќе биде навремено проследена - информираат службите од УЈП.

Институтот на сметководители и овластени сметководители вчера упати писмо до директорката на УЈП, Сања Лукаревска, со барање крајниот рок да биде одложен за три дена, откако во текот на претходните денови биле добиени многу повици за проблем со поднесување на пријавите преку електронскиот систем.

„Од овие причини Управниот одбор на сметководители и овластени сметководители во се обраќа со барање за продолжување на рокот на поднесување на пријавите од три работни дена Ве молиме доколку сте во можност да ни одговорите во најкус временски рок како би можеле навремено да ги информираме нашите членови“, се вели во писмото на ИСОС.

А.К.



Можеби ќе ве интересира

НЕ СЕ САМО МАКЕДОНЦИТЕ: Кои други народи немаат пари за летување?

НЕ СЕ САМО МАКЕДОНЦИТЕ: Кои други народи немаат пари за летување?

Кој е градот со најголемата економска нееднаквост?

Кој е градот со најголемата економска нееднаквост?

Колку заработува најбогатото семејство во светот секоја минута?

Колку заработува најбогатото семејство во светот секоја минута?

Како нашиот државен долг надмина 100 милијарди денари?

Како нашиот државен долг надмина 100 милијарди денари?

По симболична цена се продаваат куќи во швајцарско село

По симболична цена се продаваат куќи во швајцарско село

„ЦРНА“ ЛИСТА НА УЈП: Имаат повеќе од 2.000 должници

„ЦРНА“ ЛИСТА НА УЈП: Имаат повеќе од 2.000 должници