Студената зима може да ја поскапе нафтата
Објавено во: Економија 14 Септември, 2021
Студената зима може да ја поскапе нафтата и таа да чини повеќе од 100 долари за барел.
Цената може да надмине и 100 американски долари за барел, ако температурите во текот на зимската сезона бидат пониски од очекуваното. Ова стои во анализата на „Bank of America“, цитирана од „Marketwatch“. Американскиот фјучерс на лесна сурова нафта утрово скокна за 1,5 отсто, на 70,75 долари за барел, додека нафтата од типот Брент додаде 1,3 отсто, на 73,84 долари за барел. Експертите на „BoA“, велат дека зголемените приноси од Саудиска Арабија и другите земји на ОПЕК + до одреден степен го неутрализираа растот на побарувачката во последните месеци.
Цените на нафтата на светскиот пазар се зголемија малку минатата недела, затоа што производството на нафта во Мексиканскиот Залив полека закрепнува по ураганот Ида.