Студентскиот Стив Наумов го чека реконструкција-ќе има ли подобри услови за новите академци?
Објавено во: Македонија 12 Јуни, 2019
Се подобруваат условите за живеење на сите
студентски домови во Скопје, но исто така и итно ќе се реконструира домот „Стив
Наумов“, истакна Дарио Николовски, директор на Држаниот студенстки центар „Скопје“
на прес конференција во Владата.
„На вчерашната владина седница се донесе одлука со која се задолжи МОН итно да го реконструира студенстскиот дом „Стив Наумов“, да се овозможат нормални и подобрени услови. Ќе се работи во блок 1,2 и 3, за да се стават во функција 1221 легло во домот. Работиме на подобрување на условите и во другите студенстски домови.
Николовски истакна и дека се работи на раззеленување на студенстките домови.
Директорот одговарајќи на новинарско прашање истакна дека во наредниот период ќе се воведат камери низ студенстските домови во Скопје, за да се зголеми хигиената во домовите, за да се види кој и дали студентите придонесуваат за хигиената во студентските домови и дали истата се оддржува на високо ниво.
Како што истакна првиот човек на ДСЦ „Скопје“, прв чекор е обезбедување на подобри услови за живот на студентите во домовите, а потоа да се стави и видео надзор, но исто така и надворешна фирма во наредниот период ќе се грижи за хигиената во студенстските домови.