СУДИЈКА, НАРЕДНИК, ПОЛИЦАЈЦИ, ВОЈНИЦИ МЕЃУ УАПСЕНИТЕ ВО ГЕРМАНИЈА: Екс-пратеничката на АФД поседува огнено оружје
Објавено во: Свет 07 Декември, 2022
Големата
операција на истражните органи против десничарската екстремистичка терористичка
мрежа која планираше да ја собори владата им донесе олеснување на бројни
политичари. Според информациите на „Der Spiegel“, специјалните полициски сили рано
утрото уапсиле 25 лица по налог на Федералниот јавен обвинител и Федералната
канцеларија за криминалистичка полиција (БКА) и претресле десетици станови,
канцеларии и складишта во единаесет сојузни држави. Во рациите беа вклучени
вкупно 3.000 полицајци.
Федералната министерка за внатрешни работи Ненси Фезер од СПД изјави дека осомничената терористичка организација откриена денеска е водена од фантазии за насилно соборување и заговорни идеологии. Според неа, само дополнителните истраги ќе дадат јасна слика за тоа до каде биле плановите за пуч.
Сојузниот министер за правда Марко Бушман ги опиша рациите како „антитерористичка операција“. Демократијата е одбранета“, напиша министерот на Твитер. По апсењата и претресите, неговиот партиски колега, лидерот на парламентарната група на ФДП, Константин Куле, побара уште поостра акција против екстремистичките функционери. „Секој што го отфрла, па дури и сака да го укине државниот поредок во Германија, не може да биде државен службеник. Во текот на истрагата обвинети се неколку поранешни војници на Бундесверот, како и командант кој служи како логистичар во Командата на специјалните сили (КСК). Исто така, уапсен е и еден суспендиран полицаец.
Дел од групата се и поранешни пратеници на АфД. Според истрагата, во групата е и Биргит Малсак-Винкеман (58), поранешна пратеничка на АфД во Бундестагот. За неа, која сега е повторно судијка во Берлин, постојат силни сомневања дека поседува неколку огнени оружја. Нејзиниот адвокат одби да даде каков било коменатар.
Заменик-портпаролот за внатрешна политика на парламентарната група на СПД, Ули Гроч, рече дека „врските со АфД“ не се „изненадувачки, бидејќи уште еднаш покажуваат колку се антиуставните делови на партијата“. АфД првично не ја коментираше големата рација.
фото: EPA-EFE/Filip Singer