Судските преведувачи ќе мора да набават печати со новото уставно име
Објавено во: Македонија 17 Јуни, 2019
Судските преведувачи добија известување од Министерството за правда дека треба да набават нови печати со новото уставно име согласно Преспанскиот договор.
- Министерството за правда ги известува сите поставени постојани судски преведувачи дека согласно Амандманот XXXIII на Уставот на Република Македонија потребно е да направат промена на печатите за постојани судски преведувачи и наместо ‘Република Македонија’ да стои името ‘Република Северна Македонија’, се вели во известувањето од таму.
Во соопштението се додава дека не е потребно да се прави промена во решенијата кои се издадени од страна на Министерството за правда во делот на уставните амандмани кои претрпеа промена.