Сугарески се уште не може да се всели во една од првите згради од „Скопје 2014“
Објавено во: Македонија 16 Декември, 2018
Фото: Билд
Министерството за транспорт и врски се надева дека н почетокот од следната година ќе може да се всели во сопствената зграда на плоштадот Филип Втори.
Министерот Горан Сугарески изрази надеж дека тоа ќе се случи до април следната година. Згрдата е вселива, но преостануваат само уште да се довршат некои административни процедури.
- Во моментов се вршат административните процедури и се надевам дека во првиот квартал од 2019-т ние ќе бидеме во таа зграда - изјави денеска Сугарески.
Објектот е еден од првите што започна да се гради уште во 2011-та во рамки на проектот „Скопје 2014“, но беше одолговлечена откако Институтот за земјотресно инжинерство наведе дека е потребна зајакната статика, по што требаше да се направи целосно нов проект. Беше предвидено да се потрошат 5,5 милиони евра за оваа установа.
Инаку во моментов Министерството за транспорт и врски е сместено во старата зграда на Министерството за надворешни работи.