Сугарески: Тоа што го мислам за Охрид, го мислам и за Струга
Објавено во: Економија 06 Јули, 2020
Горан Сугарески, министерот за транспорт и врски, денеска од Охрид рече дека поради недонесувањето на измените на Законот за градежно земјиште, државата не може да интервенира кај дивоградбите на струшкото крајбрежје и дека тоа општината треба да го стори сама или по укажување на градежните инспектори.
„Уште ланската година испратив закон во Собрание за измени и дополнувања на Законот за градежно земјиште со кои државата требаше менаџирањето да го зеде под свои. Ова после изборите повторно ќе биде предложено, а државата ќе може подобро да менаџира од двете општини. Во моментов тоа е работа и на општинитеза градбите од прва категорија, а Државниот градежен инспекјторат има ингеренции кај објектите од втора категорија, рече Сугарески.
Според Сугарески, може да се калкулира од нивна страна, а не од државата и порача дека секоја општина мора да постапува во целост по решенијата и заклучоците.
„Уредно спремен закон го доставив, но не се стави на дневен ред. Јас сум само предлагач, а Собранието прашајте го зошто не е изгласан. Можеше и во скратена постапка да се донесе. Истото што го мислам и за Охрид, тоа го мсилам и за Струга. Еднакво важат прописите“, додаде Сугарески.
Тој наведе дека од минатата недела на терен се излезени луѓето од Градежниот државен имспекторат и дека очекува неселективна примена во делот на дивоградбите.