31 Март, 2020
0.0641

Сугарески: ВМРО-ДПМНЕ свесно го кочи законот со кој 100 илјади граѓани треба да си го решат проблемот со домовите

Објавено во: Македонија 21 Јануари, 2020

Опозициската ВМРО-ДПМНЕ поднела околу 1.000 амандмани на предлог законот за легализација на диовоградбите. Според министерот за транспорт и врски, со ова тие прават класична блокада на законот и оневозможуваат тој да се изгласа пред распуштањето на пратениците, и околу 100 илјади граѓани нема да можат да си го решат проблемот со своите бесправно изградени домови. 

„ВМРО-ДПМНЕ повторно ги кочат процесите, свесно ги блокираат законите, и нанесуваат штета на граѓаните“, рече Сугарески

За Законот за легализација пратениците од ВМРО-ДПМНЕ поднесоа околу илјада амандмани, со што свесно го закочија законот, со мала веројатност тој да се изгласа пред распуштање на парламентот, вели министерот. 

„Со тоа оставија преку 100 илјади граѓани во неможност да си ги легализираат нелегално изградените објекти. Зошто тоа го прават - си играат со трпението на граѓаните, во неможност да понудат квалитетни решенија. Законот што ова министерство го предложи има јасна цел - да се стави крај на узурпација на просторот и граѓаните да добијат законска сопственост на своите домови. Тие работат против граѓаните и државните интереси, тоа јасно се гледа од овој чин“, тврди Сугарески. 

Тој им порача на ВМРО-ДПМНЕ дека ако претходно носеле решенија за легализација со кои им се овозможуваше на своите партиски профитери да си ги легализираат своите хациенди, згради и вили, за по едно евро, тоа време веќе го нема. 

„Затоа уште еднаш упатувам апел до пратениците да покажат конструктивност и да го изгласаат овој закон. Ова е класична блокада, со која се прави директна штета за граѓаните“, рече Сугарески.

Инаку вчера се прекинала собраниската комисија на која овој закон бил ставен како четврта точка, откако се увидело дека се поднесени околу 1.000 амандмани. 

„Според нашите сознанија станува збор за чиста блокада, нема подобрување на текст. Претпоставувам се однесува на делот на парите. Вчера не беа ни подредени амандманите. Јас за сите закони како министер се обидувам да преговарам. Но овде е чиста блокада и ќе се обидам да разговарам и да укажам каква штета се прави за граѓаните“, рече Сугарески.

Можеби ќе ве интересира

ВЛАДИМИР ТАЛЕСКИ: Ќе лежи 8 години затвор за случајот „Транспортер“

ВЛАДИМИР ТАЛЕСКИ: Ќе лежи 8 години затвор за случајот „Транспортер“

Донација од кинеската полиција за вработените во Министерството за внатрешни работи

Донација од кинеската полиција за вработените во Министерството за внатрешни работи

Гури и Алими добија по 3 и пол години затвор за предметот Титаник 3

Гури и Алими добија по 3 и пол години затвор за предметот Титаник 3

Лицата со попреченост кои одат со придружба да бидат осободени од работа

Лицата со попреченост кои одат со придружба да бидат осободени од работа

Цвеќарите приморани да ги уништуваат производите

Цвеќарите приморани да ги уништуваат производите

Министерот Филипче и гувернерката Ангеловска-Бежоска на седницата на Советот за безбедност

Министерот Филипче и гувернерката Ангеловска-Бежоска на седницата на Советот за безбедност

КОВИД-19: Посмртен е од што мислеа и најголемите оптимисти

КОВИД-19: Посмртен е од што мислеа и најголемите оптимисти

Секој ден во 15 часот нова статистика за бројот на новозаболени од коронавирусот

Секој ден во 15 часот нова статистика за бројот на новозаболени од коронавирусот

ВО ВРЕМЕ КОГА КОРОНАВИРУСОТ СЕ ШИРИ: Дали загадениот воздух го слабее имунитетот?

ВО ВРЕМЕ КОГА КОРОНАВИРУСОТ СЕ ШИРИ: Дали загадениот воздух го слабее имунитетот?