Сугаревски: Започнуваме со уривање во Охрид
Објавено во: Македонија 28 Август, 2019
Министерот за транспорт и врски, Горан Сугаревски, во интервју за „Макфакс“ најави дека уривањето на дивоградбите во Охрид, кое го бара УНЕСКО, ќе започне во септември и дека во моментов се вршат сериозни подготовки за акцијата.
- Освен тоа што прогласи мораториум за градење, Охрид веќе избра фирма која што ќе урива, предвиде средства за уривањето во висина од 1,5 милион денари и прави динамичен план за уривањето. Приоритет ќе имаат дивоградбите во заштитеното јадро и во националниот парк „Галичица“ – рече министерот Сугарески.
Освен Охрид, пари за уривањето како помош обезбедила и државата, како и со дополнителна логистика, вели министерот. Сепак, вели тој, не може да се урнат сите дивоградби до февруари, до кога е зададен рокот од УНЕСКО, туку ќе се планира буџет и за уште една година по тоа.
Сугаревски најави дека официјалната бројка на евидентираните дивоградби ќе се објави наскоро.