„СУМ ЗАРАБОТИЛА РАБОТЕЈЌИ ВО ПРИВАТНИОТ БИЗНИС, ТОА ЗНАЧИ ДЕКА СУМ БИЛА СПОСОБНА“ - министерката за енергетика, Божиновска, за Бизнис муабети на Фактор

Добивај вести на Viber

Го следам енергетскиот систем во Македонија од 2008 година, бидејќи уште оттогаш соработувам со Македонија. Тогаш бевме за пример во регионот. Ние бевме и пред Србија и пред Косово, и бевме некако пример... МЕПСО беше добар пример, ЕСМ работеше одлично. Можевме да бидеме многу подобри од тоа каде што сме сега. Последнитге седум години е катаклизма, многу е лоша состојбата во енергетскиот сектор. Јас сум благодарна на сегашниот премиер Мицкоски што прво ме повика за советник во енергетиката, а сега ми ја даде и оваа можнот прв пат да сум на чело на едно вака сериозно министерство.

Ова е дел од разговорот со министерката за енергетика, Сања Божиновска, во најновиот поткаст Бизнис муабети, со водителот Мишко Иванов, кој ќе го емитуваме утре на Фактор. 

За сето незаконско работење кое се случувало во делот на енергетиката, министерката вели дека ќе истражуваат Државната ревизија, како и јавното обвинителство.

„Има многу неправилности, и во постапката на пробавање, и во постапката на набавка, и склучување на договори во четири очи“, објаснува Божиновска.

За обвинувањата кон неа, кои, како што вели, почнале уште вториот ден, вели дека постои обемна документација.

„Јас сум успешна, имам заработено доста работејќи приватен бизнис. Значи дека сум била способна и сум заработила. Значи никаква партија не стоела позади мене. Ако некој смета дека не сум соодветна и не одговарам, во ред, но сметам дека некој што е успешен може секаде да најде работа, а не да стои партија позади него“, објаснува министерката.

Таа не ја крие својата имотна состојба.