SUV модели на Шкода и Фолксваген ќе се произведуваат на Балканот
Објавено во: Економија 14 Март, 2019
Шкода потврди дека поради недостиг на доволен број на капацитети ќе мора заедно во рамки на Фолксваген групацијата до крајот на првата половина од годината да донесат решение каде на Балканот ќе ја отворат новата фабрика, пренесува чешки Idnes.
"Во рамките на Фолксваген групата, презедовме дополнителни одговорности: управување со регионите во Индија и Русија, развивање и производство на семејството Passat во фабриката Квасини или преземање одговорност за проширување на производните капацитети во новата фабрика за производство на автомобили од неколку брендови на Фолксваген", рече Бернхард Мајер, шефот на Фолксваген Шкода.
Тој за реномирана автомобилска списание Automotive News Europe минатата недела на Саемот за автомобили во Женева изјави дека проблемите со производствените капацитети може да ја ограничат продажбата на SUV моделите и затоа мора да се бара опција во Југоисточна Европа.
Според планот на целата група, новата фабрика на Балканот мора да произведува не само автомобили на Шкода, туку и модели на други брендови на групата Фолксваген. Ханделсблат вели дека раководството на Групацијата очекува новата фабрика да чини 1,3 милијарди евра. Мајер изјави за Automotive News Europe дека производителот на автомобили го намали бројот на земјите кандидати на четири, но одби да ги именува. Првично беа избрани десет локации.
"Вечерње новости".веќе објави дека главен кандидат е Србија.
"Сè уште сме во фаза на анализа. Тоа не е лесна одлука ", рече Маер на саемот во Женева за изградбата на нова фабрика, додавајќи дека треба да биде објавено решението во првата половина од оваа година. Првиот автомобил на Балланот треба да биде произведен по 2022 година.
Според Ханделсблат, размислувањата за Турција, Романија и Бугарија се веќе надвор од игра.