СЗО СО ЗАСТРАШУВАЧКИ ПОДАТОЦИ: Над еден милион лица секојдневно се заразуваат со преносливи болести

Добивај вести на Viber

Светската здравствена организација со застрашувачки податоци. Според нивниот извештај над еден милион лица секојдневно се заразуваат со инфекции, сексуално преносливи а најмногу од заразените биле со инфекции кламадија, гонореја, трихомониазата и сифилис.

„Повеќето од овие преносливи инфекции се лекуваат и истите можат многу лесно да бидат спречени, но некои болести, особено гонорејата имаат развиено исклучително отпорни форми, кои се тешки за лекување со антибиотици“, се вели во извештајот на СЗО.

Извештајот, базиран на последните расположливи податоци од 2016 година, покажува дека кај мажи и жени меѓу 15 и 49 години во 2016 година имало 127 милиони нови случаи на кламидија, 87 милиони случаи на гонореја, 6,3 милиони на сифилис и 156 милиони трихомониаза. Ако не се лекуваат, тие можат да предизвикаат сериозни и хронични здравствени проблеми, вклучувајќи невролошки и кардиоваскуларни заболувања, неплодност, раѓање на мртви деца и зголемен ризик од ХИВ - СИДА. Пресметано е дека во 2016 година само сифилис предизвикал 200 000 смртни случаи кај новороденчиња, што е една од најголемите причини за смртта на децата во светот, се вели во студијата. Сексуалните инфекции предизвикани од бактерии, обично можат да бидат третирани со широко достапни лекови, но истражувањето на СЗО истакнува дека последните недостатоци во глобалната понуда на бензатин пеницилин ја отежнуваат контролата на ширењето на сифилис.