Табаку: Бизнис од 1,3 милијарди евра се пресели од Албанија во Северна Македонија

Добивај вести на Viber

Албанската опозиционерка Јорида Табаку на вчерашната прес-конференција рече дека деловната клима во земјата е „задушувачка“, притоа потенцирајќи дека албанските бизниси избираат да инвестираат во странство. Со забелешка на Фејсбук, Табаку пишува дека албанските бизниси инвестирале 1,3 милијарди евра надвор од Албанија, повеќето од нив префрлени во Северна Македонија.:

- Албанските бизниси имаат инвестирано 1,3 милијарди евра надвор од Албанија, а повеќето отидоа во соседна Северна Македонија. Не само што не привлекуваме странски инвестиции, туку исто така не ги убедуваме локалните бизниси да инвестираат во Албанија. 

Бидејќи премиерот во заминување (Еди Рама) создаде најзапрепастувачка клима за албанско вработување, инвестиции и претприемништво. Наместо да и помогне на економијата, Владата на Рама злоупотреби и украде дури 13 проценти од БДП, приближно колку и изгубените инвестиции во Албанија.

Овие милијарди евра и илјадници работни места изгубени за Албанците, нашиот сосед ги зеде од нас како резултат на про-бизнис фискална и економска политика. Само за 2019 година вредноста што ја изгубивме беше дури 10 проценти од БДП“, напиша поранешната пратеничка на Фејсбук, пренесува албанскиот Топ-Чанел.

Табаку ги повика албанските бизнисмени да не трошат милијарди во странство, туку да се борат заедно за нови инвестиции и да обезбедат работни места со пристојни плати во Албанија.