Тачи сака формирање на косовска војска, српските пратеници категорично одбиваат
Објавено во: Балкан 26 Јуни, 2018
Косовскиот претседател Хашим Тачи денеска оствари телефонски разговор со Јенс Столтенберг, генералниот секретар на НАТО и го информирал за процесот на трансформација на Заштитните сили (ФСК) во војска на Косово.
Според објавата на Тачи на Фејсбук, тој и Столтенберг разговарале за потребните чекори во правец на формирањето на косовска, мултиетничка и професионална војска.
„Денеска имав телефонски разговор со генералниот секретар на НАТО, Јенс Столтенберг. Разговаравме за неопходноста од придвижување напред во финализирањето на процесот на трансформацијата на Заштитните сили на Косово, во вооружена мултиетничка и професионална сила. Војската на Косово ќе ја создадеме со постојана координација со нашите сојузници“ напиша Тачи.
Сојузниците на Косово, меѓу кои и НАТО, Соединетите Американски Држави и повеќето членки на Европската унија бараат евентуалната трансформација на ФСК во војска да се направи преку уставни измени. Но, за промена на Уставот се потребни и гласовите на пратениците Срби, а тие се категорично против формирање војска, па затоа албанските челници во Косово најавуваат дека ќе најдат начин трансформацијата да ја извршат етапно со законски интервенции