Талат Џафери ќе ги координира партиите во Собрание за да се решат локалните избори
Објавено во: Македонија 13 Мај, 2017
Новиот собрански спикер Талат Џафери ќе направи напори да ги седне на иста маса парламентарните партии и да обезбеди консензус за политичко решение на состојбата во која на градоначалниците и советите на општините на 15 мај им истекува мандатот.
Затоа во понеделник претседателот на Собранието Талат Џафери закажа координација меѓу претставниците на сите парламентарни партии за локалните избори.
Ако шефовите на пратеничките партии се договорат околу датумот за локалните избори, истиот ден можно ќе биде и одржување на собраниска седница за измени на законите за продолжување на рокот на надлежностите на градоначалниците.
Засега прашање е дали ВМРО-ДПМНЕ ќе присуствува на оваа или било која друга координација закажана од Талат Џафери за кој велат дека е нелигитимен претседател на Собранието и бараат од СДСМ да се одржат брзи локални заедно со парламентарни избори.