Тарант проучувал историски битки против Отоманците - еве кои балкански земји ги посетил
Објавено во: Свет 18 Март, 2019
Полицијата соопшти дека Брентон Харисон Тарант, убиецот на десетици муслимани во две џамии во Крајстчерч во Нов Зеланд, престојувал и на грчките острови Крит и Санторини и два пати транзитирал низ земјата во 2016 година.
Властите во Бугарија, Турција, Хрватска и Унгарија, исто така, потврдија дека биле посетени од Тарант во периодот 2016-2018 година, кога Австралиецот очигледно ги проучувал битките помеѓу христијанските феуди и Отоманската империја.
"Во врска со 29-годишниот сторител на терористичкиот напад во Нов Зеланд на 15 март 2019 година, беше откриено дека тој влегол во нашата земја два пати во 2016 со транзитни летови (29 ноември 2016 година и 10 декември 2016 година). Покрај тоа, истата година (20 март 2016 година) влегол во нашата земја со лет од Истанбул и останал неколку дена во Хераклион, Крит и Санторини, "се вели во соопштението на грчката полиција во неделата.
Грчката полиција исто така бара и телефонски повици и набавки што ги направил тој додека бил во Грција.