ТАРАВАРИ ГО КАЖА УСЛОВОТ - во влада со ДУИ ако Зибери е премиер
Објавено во: Македонија 09 Август, 2020
Не е нешто ново изјавата на гостиварскиот градоначалник Арбен Таравари од Алијанса за Албанците.
Но, како единствена изјава вчера дадена во контекст на формирањето на новата влада, ги разбранува духовите.
А тој вчера за телевизија Телма кажа дека коалицијата на Алијанса со Алтернатива би влегле во Влада со ДУИ доколку мандатар биде Насер Зибери.
„Формирањето на Влада е игра на бројки, нормално, ние сме кажале, ако мандатар е Насер Зибери, ние ќе го поддржиме. Ако не, сите други комбинации кадешто би се нашле со некого со одредени програмски точки и принципи на добро владеење, тука сме да помогнеме и доколку можеме да направиме 61 пратеник без ДУИ“, рече Таравари.
И претходно од оваа коалиција изјавуваа дека би поддржале влада со премиер Албанец.
Но, истовремено, го повикаа ДУИ доколку тоа не се реализира, тие да заминат во опозиција.