Тасевски пред Пивофест: Рачната бомба во прилепско кафуле е изолиран случај
Објавено во: Македонија 12 Јули, 2019
Рачната бомба пронајдена како фрлена во прилепското кафуле „Кафе ин“ е оценет како изолиран случај од Сашо Тасевски, директорот на Бирото за јавна безбедност, во пресрет на Пивофест 2019 во градот под Марковите кули.од 18 до 22 јули.
Тој рече дека веќе постојат одредени сознанија и се преземаат сите потребни истражни дејствија за што поскоро решавање на случајот, а засега е безбедно демонтирана.
Инаку Тасевски и локалната полиција денеска се координираа за безбедносните аспекти во организацијата на фестивалот на пивото, бидејќи се очекуваат илјадници посетители.
– На средбите беше потенцирано дека безбедносната состојба во општината е стабилна и полициските службеници се подготвени за обезбедување на јавниот ред и мир, особено во текот на фестивалот, за тој да помине во најдобар ред, без оглед на големата бројка на гости што се очекува во Прилеп – соопштија од МВР.