ТЕ-ТО: Работиме законски, доверителите не се оштетени

Добивај вести на Viber

Планот за реорганизација е изготвен според објективни критериуми, согласно сите законски процедури и предвидува рамноправен третман на сите доверители, како што е предвидено со закон, реагираат од ТЕ-ТО. 

„Во насока на правилно и точно информирање на јавноста и сите засегнати страни, сакаме да информираме дека сите активности на ТЕ-ТО Скопје се одвиваат согласно законите на Република Македонија. Ги почитуваме сите одлуки на надлежните институции и постапуваме по нив. Сите други тврдења се обид за искривување на вистината. Планот за реорганизација е изготвен според објективни критериуми, согласно сите законски процедури и предвидува рамноправен третман на сите доверители, како што е предвидено со закон, стои во реакцијата.

Велат дека со планот за реорганизација, не само што не се оштетени доверителите, како што се тврди неосновано, туку напротив овозможува најдобра заштита на интересите на доверителите, поради што тие го подржале со огромно мнозинство.

„ТЕ-ТО АД Скопје ќе продолжи да испорачува топлинска и електрична енергија и со сите други редовни активности, а сите вработени во компанијата ќе останат во редовен работен однос и со редовни примања, согласно законот. Тоа е во најдобар интерес на акцоинерите и на државата имајќи во предвид дека ТЕ-ТО АД Скопје е една од најголемите гринфилд инвестиции во Македонија која работи согласно највисоките стандарди во енергетиката и екологијата, велат од ТЕ-ТО.