Техничка влада: Кои опозиционери сега ќе вршат функции како Ременски, Спасовски, Кирацовски
Објавено во: Македонија 21 Октомври, 2019
Задача на преодната техничка влада ќе биде да ги спроведе изборите за кои вчера имаше согласност од политичките партии да се одржат на 12 април следната година. Со изборот на оваа влада на 3 јануари во неа ќе се врати опозицијата. Со оваа влада ќе раководи нов премиер на местото на Зоран Заев кој ќе мора претходно да си поднесе оставка. Сепак ќе има и опозициски министри, а тие ќе влезат во ресорите Министерство за внатрешни работи и во Министерството за труд и социјална политика.
Дополнително ќе бидат поставени заменици од опозицијата во Министерството за финансии со кои сега министерува Нина Ангеловска, во Министерството за земјоделство и во Министерството за информатичко општетсво и администрација.
Засега нема персонални решенија за овие позиции. Вчера имаше информации дека на местото на Заев ќе дојде Оливер Спасовски, министерот за внатрешни работи. И да не биде така, секако нов министер за внатрешни работи ќе има од редовите на опозицијата. Исто како и во ресорот труд и социјална политика каде ќе биде поставен нов министер, а актуелната Мила Царовска ќе стане дополнителен заменик министер.
Заменици ќе добијат Ангеловска, Димковски од земјоделство и Дамјан Манчевски од МИОА.
Кога беше избрана преодната влада во 2016 година, тогаш премиер беше Емил Димитриев кој застана на таа функција откако Никола Груевски даде оставка. За министер за труд и социјална политика беше избрана Фросина Ременски која сега е осомничена во случајот Рекет и на која и е одредена мерка на претпазливост. Тогаш за министер за внатрешни работи беше избран актуелниот Оливер Спасовски, а Оливер Андонов од ВМРО- ДПМНЕ стана дополнителен заменик министер. Диме Спасов беше дополнителен заменик министер во социјала.
Социјалдемократите имаа и три дополнителни заменици - министри - Кире Наумов во финансии, Љупчо Николовски за земјоделство, Александар Кирацовски во Министерството за информатичко општество.
А.Т.Можеби ќе ве интересира
(ВИДЕО) ГРУБИ СО КУФЕР ДОЈДЕ ПРЕД ОПШТИНА ЧАИР: Сега земете го куферот и одете дома
ЕВЕ ВО КОЈА ОПШТИНА ВАНКОВСКА ГО ПРЕТРКА МАКСИМ, А КОЈ ЕЗЕРСКИ ГРАД СЕ ОПРЕДЕЛИ НАЈСИЛНО ЗА ДАВКОВА - гласање во најголемите места во внатрешноста
Скендер Реџепи: На 8 мај нема да гласам ни за едниот, ни за другиот
„До последно се бореше, следеше настани и не се предаваше“: еве што кажа ќерката на Џаро, за неговите последни денови
КУЌЕН ПРИТВОР И МЕРКА НА ПРЕТПАЗЛИВОСТ ЗА ТАТКОТО НА ВАЊА: Врховен го преиначи решението на Апелација
Кајчев по првиот круг претседателски избори: Можно е да се влошат македонско-бугарските односи
„ЏАРО ИМ ПЛАТИЛ НА ФУДБАЛЕРИ ДА ИГРААТ КАКО ШТО ТОЈ САКА, А ВО МАКЕДОНИЈА НАМЕСТИЛ НАТПРЕВАР ДА ЗАВРШИ 134 НАСПРЕМА НУЛА“: Српските медиуми за Џаровски
ЗА УБИСТВОТО НА ВАЊА: Таткото со нова жалба пред Врховен за притворот
„СО ПУШКА ДОЈДОА НА ВЛАСТ, СО ПЕНКАЛО ДА ГИ ОТЕРАМЕ НА БУНИШТЕТО НА ИСТОРИЈАТА“ - Стојанче Ангелов бара општа мобилизација за „Твоја Македонија“
