ТЕНДЕРОТ ОБЈАВЕН: Автопатот Скопје – ГП Блаце ќе се гради по европски стандарди
Објавено во: Финансии 25 Јули, 2019
Јавното претпријатие за Државни патишта (ЈПДП) денеска го објави тендерот за првата делница од автопатот Скопје – Блаце и истиот е отворен до 4 септември годинава.
Првиот дел опфаќа должина од два километрa од ГП Блаце до почетокот на селото Блаце.
-Идниот автопат ќе биде изграден според европски стандарди со две ленти за возење и една за принудно застанување во еден правец, ширината на лентите за возење се по 3,5 метри, односно целосната широчина во еден правец изнесува 10,25 метри, средниот појас е широк четири метри, а брзината за движење ќе биде 100 киломтери на час, истакна Китанов по денешната средба со вицепремиерот за европски прашања Бујар Османи.
Османи кажа и дека планирано е да се изградат целосни пропусти, плочасти проипусти, дренажи и сообраќајна сигнализација. На делницата е предвиденa изградба на клучка со село Блаце, како и изградба на два кружни тека. Тој нагласи дека рокот за изградба е 18 месеци, а средствата се обезбедени од ЈПДП.