13 Ноември, 2018
0.2834
    ALK 8291.04    -0.21%     BESK 9682    0%     CEVI 1000    0%     GRNT 850    0%     KJUBI 1550    0%     KMB 5393.35    -0.32%     OHB 6727.78    0.6%     OKTA 5000    -2.21%     SBT 2529.55    -6.31%     STB 1288.66    1.68%     STBP 1250    0.62%     TETE 2416.06    1.86%     TKVS 5626    -3%     TNB 14790    -0.01%     TTK 1300    -0.83%

Тешка бирократија: Како пензионерите ќе се снајдат со даночните пријави

Објавено во: Економија 13 Септември, 2018

Бирократски чин на регистрација кој за пензионерите, но и за други ранливи групи ќе биде тежок и практично неостварлив. Даночните експерти во земјава се согласуваат дека составувањето на првата електронска годишна пријава е ново и модерно решение, но се децидни дека тоа ќе им го „отежни животот„ на тие кои не седат пред комјутер цело време, особено на оние кои воопшто не знаат да работат. Според новите правила, до крајот на годинава, сите граѓани кои оствариле каков било приход мора да се регистрираат за електронска годишна даночна пријава. Тоа значи дека и пензионерите треба да проверат податоците за приходите по основ на пензија и да ги коригираат ако има грешка. И тие но и сите други граѓани мора да влезат во системот за да може управата да им ја изготви пријавата. Аналитичарите кои ги консултиравме велат дека мора да се најде и друг начин на реализација на овие измени, па предлагаат тоа да се прави во банките или дома кај пензионерите на пример.

„ Подготвената е-Годишна даночна пријава, УЈП има обврска по електронски пат да ја достави до секој даночен обврзник-граѓанин на проверка и потврдување. Токму овој механизам на проверка и потврдување, бара од даночните обврзници што остварувале приходи да се регистрираат во електрнскиот систем на УЈП со свое електронско санддаче. Самата регистрација се врши според пропишани правила и процедури со кои се штитат податоците за граѓаните. За жал овие процедури не земаат предвид дека даночни обврзници се и пензионери, потоа дигитално неуки, како луѓе кои се болни дури и слепи, за кои овој бирократски чин на регистрација ќе биде посебно тежок. Ангажирањето на полномошник создава друг вид на обврски за кои треба и да се плати, вели Павле Гацов, претседател на Здружението на даночни советници.

Гацов предлага, заради олеснување на обврзниците, Управата да создаде услови нејзините службеници, користејќи ги веќе активните мобилните даночни шалтери да ги посетуваат овие граѓани за да ги регистрираат на „нивен терен“.

„Во игра може да биде и регистрација на обврзниците-граѓани кај банките, односно кај нотарите, во присуство на службено лице, претставник на УЈП, вели тој.

Е-даночната пријава е ново решение на УЈП. До крајот на годината податоци треба да испратат сите граѓани кои оствариле приход од редовни месечни примања, плата или пензија, но се пријавуваат и дополнителните заработки од капитални добивки, продажба на недвижен имот договори на дело, работа на интернет и слично. Регистрацијата е на системот е-персонален данок, а потоа барањето за регистрација треба да се поднесе на шалтерите на Управата за јавни приходи. Регистрацијата граѓаните ќе мора да ја направат само еднаш, а не како досега секоја година сами да ги поднесуваат пријавите.

УЈП предвидела за тие кои се болни, изнемоштени нои оние кои не знаат да работат на компјутер да можат да ополномоштат помладо лице на нотар па тој за нив да ја врши работата.

Новините предизвикаа негодување кај граѓаните и сите реагираа на социјалните мрежи.

А.Т.


Можеби ќе ве интересира

Кој сврте пари на бројчаникот?

Кој сврте пари на бројчаникот?

ПАВЛЕ ГАЦОВ ЗА ПРОГРЕСИВНИОТ ДАНОК: Заев рече „нема да ме закачи“, морам да констатирам дека е тоа неточно

ПАВЛЕ ГАЦОВ ЗА ПРОГРЕСИВНИОТ ДАНОК: Заев рече „нема да ме закачи“, морам да констатирам дека е тоа неточно

Автобусите нема да може да ги превезат сите кога автомобилите ќе се исклучат од сообраќај

Автобусите нема да може да ги превезат сите кога автомобилите ќе се исклучат од сообраќај

Бислимовски го најави најголемото намалување на бензините и дизелот досега

Бислимовски го најави најголемото намалување на бензините и дизелот досега

Буџет за 2019-та: Повисоки плати, социјална пензија и повеќе капитални инвестиции

Буџет за 2019-та: Повисоки плати, социјална пензија и повеќе капитални инвестиции

Дефекти оставија без вода неколку улици

Дефекти оставија без вода неколку улици

ИЛЈАДНИЦИ ДОЛЖНИЦИ НА ЛИСТАТА НА УЈП: Која фирма е со најголем долг?

ИЛЈАДНИЦИ ДОЛЖНИЦИ НА ЛИСТАТА НА УЈП: Која фирма е со најголем долг?

Арапите со најавата направија хаос - Нафтата „лета“ во небото

Арапите со најавата направија хаос - Нафтата „лета“ во небото

МЕКСИКО, ГРЦИЈА, ИЛИ ГЕРМАНИЈА: Земји каде луѓето работат најмногу часови

МЕКСИКО, ГРЦИЈА, ИЛИ ГЕРМАНИЈА: Земји каде луѓето работат најмногу часови