Тилерсон со честитка: 26 години работиме заедно во поддршка на аспирациите на Македонија за влез во ЕУ и НАТО
Објавено во: Македонија 08 Септември, 2017
Државниот секретар на САД, Рекс Тилерсон ја честиташе 26-годишнината од независноста на Република Македонија.
Tој во име на Владата на САД, со задоволство ги пренесува најдобрите желби до луѓето во Македонија при одбележувањето на 26 години независност.
„26 години работиме заедно во поддршка на аспирациите на Македонија за влез во Европската унија и НАТО. Ја поздравуваме акцијата што ја презеде новата Влада да ја демонстрира посветеноста кон демократските принципи, почитувањето на владеењето на правото и регионалната соработка. САД ќе продолжат да ги поддржуваат напорите на Македонија во спроведувањето на потребните реформи за да го обезбедат своето место во евроатлантското семејство и нации. Со нетрпение очекуваме да ја продолжиме соработката во наредните години“- се вели во соопштението на Стејт департментот на САД.
Во соопштението пишува и дека САД се горди што се пријатели и стратегиски партнери на Македонија.