Тимоние за администрацијата: Потребни се суштински и квалитативни, а не квантитативни реформи
Објавено во: Македонија 24 Јуни, 2019
Францускиот амбасадор во Македонија, Кристијан Тимоние, денеска изјави дека се потребни суштински и квалитативни, а не квантитативни реформи и професионализација на администрацијата наспроти постојаната состојба на нејзина партизација.
Тој додаде дека реформата на јавната администрација е многу важен дел во процесот на пристапување на Република Северна Македонија кон ЕУ.
„И покрај добрата оцена за земјата во извештајот на ЕК, Република Северна Македонија треба активно да работи на суштински реформи и да се справи што поскоро со корупцијата која е особено видлива во администрацијата“, вели Тимоние.
Во изминатиов период Тимоние испрати повеќе пораки за тоа што треба да направи земјата за да во октомври конечно добие датум за преговори.