Тирана протера двајца ирански дипломати - имаат рок од 72 часа да си заминат
Објавено во: Балкан 15 Јануари, 2020
Oфицијална Тирана прогласи за непожелни двајца ирански дипломати.
Албанија треба да ја напуштат во рок од 72 часа.
Ова го потврди овластениот министер за Европа и надворешни работи Гент Цакај. Тие биле запознаени со иранскиот план за напад на американски амбасади, поради што и САД во воздушен напад го убија иранскиот генерал Касем Сулејмани.
Цакај, на својот профил на Фејсбук напиша дека за непожелни се прогласени Мохамад Али Арз Пеиманемати, трет советник и Сејед Ахмад Хосеини Алсат, аташе за култура поради активности во „спротивност со нивниот статус“.
Тиранската телевизја Топ чанел, објави дека двајцата дипломати се директно поврзани со генералот Сулејмани, кој е убиен во американски воздушен напад. Се дознава дека албанските разузнавачки служби, со помош на сојузничките земји, обезбедиле и докази дека тие биле запознати со тајниот план за напад врз на амбасадата на САД во Багдад организиран од Сулејмани.
Генералот е контраверзна личност, која војувала во БиХ.Официјална Тирана ги зголеми безбедносните мерки по настаните во Иран. По нападите на американските воени бази во Ирак, Иран упати закани и до Албанија.
Престојот на 3.200 членови на иранската опозиција од организацијата МЕК, односно организација на Муџахедините во посебен и кампови во Албанија, од Иран е оценето како опасност за Техеран.