Тито Петковски даде свое видување кој функционер треба да биде премиер Албанец
Објавено во: Македонија 16 Март, 2023
Долгогодишниот претседател на НСДП и екс претседател на Собранието, Тито Петковски го искоментира предлогот за премиер Албанец.
Тој се надева дека вицепремиерот за економски прашања, Фатмир Битиќи ќе биде на таа позиција.
„„Читам: „Да!Тој доаѓа” е новиот слоган на ДУИ со кој се најавува првиот премиер Албанец. Се надевам дека мислат на Фатмир Битиќи, заменик на Премиерот за економски прашања. Покомпетентен, постручен, поспособен и поодговорен член на Владата, во овој момент не постои. Освен тоа Албанец е по етничка припадност. Токму онаков каков што бара ДУИ!”, напиша Петковски на Фејсбук.
Шефот на дипломатијата, Бујар Османи деновиве најави дека набргу Албанец ќе биде премиер во земјава, а првиот вицепремиер Артан Груби дообјасни дека со договорот што е постигнат меѓу лидерот на ДУИ, Али Ахмети и поранешниот премиер Зоран Заев во последните 100 дена од мандатот на Владата, функцијата ќе ја извршува Албанец.
Премиерот Димитар Ковачевски кажа дека СДСМ не бега од коалициските договори, ќе има технички премиер Албанец сто дена пред избори.