То Вима: Ратификација на Преспанскиот договор може и со мнозинство од присутните
Објавено во: Македонија 16 Јануари, 2019
Грчкиот весник „То Вима“ информира дека Преспанскиот договор може да биде ратификуван во грчкиот парламент и со помалку од 151 пратеник, кои инаку му се потребни на грчкиот премиер Алексис Ципрас за апсолутно мнозинство.
Медиумот пренесува дека најверојатно сите пратеници нема да бидат присутни на седницата кога ќе се гласа, бидејќи некои кои не се членови на владеачката Сириза се уште се двоумат, а во овој случај за ратификацијата се бара мнозинство меѓу присутните.
Најверојатно неколкуменина ќе апстинираат од гласањето, па така пресметката же се прави – мнозинство од 297 пратеници, што ќе рече 149 пратеници треба да се изјаснат „за“, за Преспанскиот договор да се ратификува.
Дали ова ќе биде потребниот легитимитет ќе биде повеќе прашање за кулоарски дебати, зашто, како што истакнуваат грчките медиуми, Грција е под силен притисок на САД и на ЕУ, пред се од Ангела Меркел, Договорот да помине во парламентот.
Сепак, вечерва кога ќе се гласа за доверба на владата на Алесис Ципрас, ќе се знае и дали грчкиот премиер ги собрал „потребните мнозински гравчиња“, како што неодамна самоуверено тврдеше.