„Тоа е голем проблем за нас“: Се огласи Кремљ по нападите дека Русија ги саботирала гасоводите
Објавено во: Свет 28 Септември, 2022
Тврдењата дека Русија стои зад можниот напад на гасоводите „Северен тек“ се „глупави“, изјави во вторникот портпаролот на Кремљ, додавајќи дека Москва забележува нагло зголемување на профитот на американските компании кои снабдуваат гас во Европа.
Портпаролот на Кремљ Дмитриј Песков во дневната конференциска врска со новинарите изјави дека инцидентот треба да се истражи и дека рокот за поправка на оштетените гасоводи не е познат.
Европа ги истражува наводите на Германија, Данска и Шведска за напади кои предизвикаа истекување на гас од два руски гасоводи во Балтичкото Море.
„Тоа е сосема предвидливо и предвидливо глупаво“, рече Песков за тврдењата дека Русија можеби е одговорна за наводниот напад.
„Тоа е голем проблем за нас затоа што, пред сè, и двете линии Северен тек 2 се полни со гас - целиот систем е подготвен да пумпа гас, а гасот е многу скап...Сега гасот оди во воздухот“, изјави портпаролот на Кремљ.
„Пред да поднесеме какви било тврдења, треба да почекаме истрага за овие пукнатини, без разлика дали имало експлозија или не“, истакна Песков. Информации за инцидентот може да се очекуваат од Данска и Шведска, додаде тој.
Норд стрим АГ, операторот на мрежата, во вторникот објави дека три од четирите крајбрежни линии на гасоводниот систем Северен тек претрпеа „невидена“ штета за еден ден. Гасоводот Северен тек не испорачуваше гас до моментот на инцидентот.
Северен тек 1 објави значителен пад на притисокот предизвикан од истекување на гас од двете линии на гасоводот, додека Северен тек 2 пријави ненадеен пад на притисокот во линијата А во понеделникот.НАПАДНАТИ СЕВЕРЕН ТЕК 1 И 2, ЕКСПЛОЗИИТЕ СЕ ПОД МОРЕ? „Ако е саботажа ќе следи страшен одговор“, се закани Европа