Добивај вести на Viber
Тони Јакимовски, поранешниот шеф на кабинетот на екс-директорот на УБК, Сашо Мијалков, доби затворска казна од шест години во предметот кој беше отворен од Обвинителството за организиран криминал и корупција а се однесува на проневера на пари од спец касата во УБК во висина од 820.000 евра.
Покрај Јакимовски, осуден е и Стево Маџовски на четири години како вработен во УБК, додека ослободителна пресуда доби Кристина Јосифовска, исто како вработена во Управата. Петре Пешовски, на првото судско рочиште во октомври 2019 призна вина и доби три години затвор.
Според обвинението,тие во период од десет години од 25 јануари 2007 до 30 мај 2017 во 172 наврати подигале пари од касата, а докуметацијата за исплатените пари потоа ја злоупотребувале.
Обвинителката Ивана Трајчева за двете затворски казни рече дека се задоволителни, но за евентуално поднесување жалба до Апелација. ќе се решава по писмената одлука на судот.