Тони Трајковски повторно не дојде на судење, утре ќе биде присилно доведен

Добивај вести на Viber

Тони Трајковски, поранешниот градоначалник на Гази Баба и обвинет во случајот 2ТНТ“, утре ќе биде присилно доведен на судското рочиште, нареди судијата Огнен Ставрев, откако ниту денеска не дојде на судењето за уривањето на „Космос“.

Во Кривичниот суд требаше од почеток да стартува судењето за овој предмет по оставката на судијата-поротничка која во меѓувреме наврши 60 години, но како и вчера, повторно не присуствуваше Трајковски.

На тврдењето на неговиот адвокат Јовица Страшевски дека не добил покана,Ставрев рече дека судскиот курир бил пред неговиот дом, но никој не му отворил. Судијата нагласи дека во иднина „ќе има драстични мерки“, доколку Трајковски избегнува да се појави на рочиште.

Денешното судење започна од почеток со нова поротничка, а назначен е и заменски поротник,, откако вчера Лилјана Ивановска Кочковска поднесе неотповиклива оставка. Судијата Огнен Ставрев ја повика одбраната да ја почне постапката одново, но само со читање на досега изведените материјали.

За делото се обвинети повеќе лица, меѓу кои и ексминистерот за транспорт и врски Миле Јанакиески, додека во отсуство му се суди на поранешниот премиер Никола Груевски.