Топалов за Македонците: Не знам дали ни се браќа, тие ни се веќе братучеди
Објавено во: Македонија 22 Септември, 2020
Во утринската емисија на БТВ Новините денеска проф. Кирил Топалов, член на бугарскиот дел од Заедничката македонско-бугарска комисија за прашања од историјата и образованието, изјави дека ако ја навредуваме Бугарија веќе нема да бидеме ниту братучеди.
„Не знам дали ни се браќа, тие ни се веќе братучеди, а ако продолжат на овој начин да ја ругаат мајка Бугарија, можеби за брзо време ќе ги отбратучедиме од себе“, вели тој.
За неодамнешниот протест на ВМРО-ДПМНЕ за револуционерот Гоце Делчев вели дека бил малку чуден.
Кажа не само ВМРО-ДПМНЕ, туку сите политички сили во Македонија ја заштитуваат таа идеја дека Гоце Делчев е Македонец.
За Македонија вели дека не треба да смета дека мајка Бугарија секогаш ќе отстапува.
Maкедонските власти пак се оптимисти дека блокада од Бугарија нема да има за старт на преговорите со Европската Унија.