29 Март, 2024
0.0292

Топлификација: Обвинителството покрена истрага за лиценцата што ја загубивме во 2012 за да му се даде на БЕГ

Објавено во: Економија 19 Јуни, 2019

Добивај вести на Viber

Основното јавно обвинителство за организиран криминал, пред кратко време, подигна обвинение против членовите на Регулаторната комисија за енергетика (РКЕ) за незаконско доделување на лиценци на спроведениот оглас кон крај на 2012 година. објави „Топлификација“, откако во 2012 ја загуби лиценцата за производство, дистрибуција и снабдување со топлинска енергија, а истата му беше доделена на БЕГ.

„Регулаторна комисија за енергетика  на ден 29.11.2012 год. има објавено  јавен  повик  за избор  на носители за лиценца за вршење на енергетски дејност производство, дистрибуција и снабдување со топлинска енергија. На јавниот повик распишан од РКЕ за лиценца за дистрибуција на топлинска енергија учествуваше фирмата во сопственост на Топлификација АД, Дистрибуција на топлина ДООЕЛ. Оваа фирма на конкурс за доделување на лиценца во 2010 година ја добива лиценцата за вршење на дејноста дистрибуција на топлинска енергија. Согласно така добиената лиценца фирмата ја извршува оваа дејност до 31.12.2012 година.

На јавниот повик од ноември 2012 година се јавуваат и три фирми во сопственост на БЕГ АД формирани во текот на август 2012 година со основачки влог од по 5.000 евра секоја. Во време на траење на огласот и во време на евалуација на кандидатите кои конкурирале на овој оглас фирмите во сопственост на БЕГ АД не исполнуваат ниеден услов за добивање лиценца. Немаат вработени и немаат основни средства за вршење на дејностите за кои конкурираат.

Но фактот, дека овие фирми не ги исполнуваат условите за добивање на лиценци, стручните служби на РКЕ и избраните членови на РКЕ целосно го игнорираат и со одлука донесена на 31.12.2012 година ги доделуваат трите лиценци, за производство дистрибуција и снабдување со топлинска енергија, на трите фирми во сопственост на БЕГ АД“, се вели во реакцијата на „Топлификација“, која во моментов е во стечај.

Од таму велат дека фирмата во сопственост на БЕГ АД која ја добила лиценцата за дистрибуција, немала во сопственост мерни уреди за мерење на топлинската енергија на праг на производителот и на праг на објектите, додека пак Топлификација АД поседувала мерно регулациона опрема во вредност од околу 1 милион евра. 

„Новиот носител на лиценца оваа опрема ја користи без дозвола на сопственикот и без да плаќа надоместок за користењето. До денеска новиот носител на лиценца со користењето на оваа опрема генерирал штета на фирмата Дистрибуција на топлина ДООЕЛ во висина од 1 милион евра, колку е вредноста на опремата на 31.12.2012 година“, се додава во соопштението.

Топлификација смета дека штетата што била предизвикана со не доделување на лиценцата за дистрибуција на топлина е околу 2,2 милиони евра без законска камата. 

„Доколку оваа штета не се наплати од носителот на лиценца, согласно закон, истата ќе се побарува од државата бидејќи е настаната поради незаконски доделена лиценца од РКЕ“, најавуваат од претпријатието.


Можеби ќе ве интересира

ЗА ЕДНО ЕВРО РУЧЕК И ПРЕВОЗ: Oва е најевтината земја за живеење

ЗА ЕДНО ЕВРО РУЧЕК И ПРЕВОЗ: Oва е најевтината земја за живеење

МИЗО ПОТВРДИ ДЕКА ЗА ОВА РАЗГОВАРАЛЕ СО МИНИСТЕРСТВОТО ЗА ФИНАНСИИ: Македонија треба да се адаптира на глобалниот минимален данок на добивка од 15 oтсто

МИЗО ПОТВРДИ ДЕКА ЗА ОВА РАЗГОВАРАЛЕ СО МИНИСТЕРСТВОТО ЗА ФИНАНСИИ: Македонија треба да се адаптира на глобалниот минимален данок на добивка од 15 oтсто

ПЧЕНИЦАТА ПОЕВТИНИ: Цената на златото и нафтата скокнаа

ПЧЕНИЦАТА ПОЕВТИНИ: Цената на златото и нафтата скокнаа

БИТИЌИ Е ОПТИМИСТ: Вели дека со влезот во ЕУ просечната плата ќе изнесува 1.300 евра

БИТИЌИ Е ОПТИМИСТ: Вели дека со влезот во ЕУ просечната плата ќе изнесува 1.300 евра

Новите газди го вратија стариот сјај! Како „Скопски пазар“ ќе направи над 10 милиони евра приходи?

Новите газди го вратија стариот сјај! Како „Скопски пазар“ ќе направи над 10 милиони евра приходи?

ВЛЕГЛЕ ВО КАНЦЕЛАРИЈАТА НА GOOGLE ВРЕДНА ДВЕ МИЛИЈАРДИ ДОЛАРИ - „баш е таква каква што ја замислувавме, право одморалиште“

ВЛЕГЛЕ ВО КАНЦЕЛАРИЈАТА НА GOOGLE ВРЕДНА ДВЕ МИЛИЈАРДИ ДОЛАРИ - „баш е таква каква што ја замислувавме, право одморалиште“

ЦЕНТРАЛНОЕВРОПСКИ ДОГОВОР ЗА СЛОБОДНА ТРГОВИЈА - ДОПОЛНИТЕЛЕН ПРОТОКОЛ 6 - еве кои се предностите

ЦЕНТРАЛНОЕВРОПСКИ ДОГОВОР ЗА СЛОБОДНА ТРГОВИЈА - ДОПОЛНИТЕЛЕН ПРОТОКОЛ 6 - еве кои се предностите

Битиќи: Во 2025 работна недела од 7 часа дневно во одредени сектори

Битиќи: Во 2025 работна недела од 7 часа дневно во одредени сектори

МАКЕДОНСКИТЕ ЧОКОЛАДИ САМО МАЛКУ ПОВКУСНИ ЗА СТРАНЦИТЕ - како „Европа“ профитираше со 600 илјади евра и дали е тоа добар резултат

МАКЕДОНСКИТЕ ЧОКОЛАДИ САМО МАЛКУ ПОВКУСНИ ЗА СТРАНЦИТЕ - како „Европа“ профитираше со 600 илјади евра и дали е тоа добар резултат