Трагедија на Плитвички езера: загина туристка од Јужна Кореја правејќи селфи
Објавено во: Свет 20 Март, 2018
Државјанка на Јужна Кореја (53) почина во саботата во Општата болница во Карловац, како резултат на падот во длабока клисура од 70 метри на Плитвички езера.
Tуристката со организирана група на туристи во саботата околу 11 часот била во посета на убавините на Плитвички езера, но во еден момент таа се отцепила од групата за да се фотографира. Во тој момент таа се лизнала од патеката и паднала во бездна длабока 70 метри.
Веднаш била префрлена во болницата во Карловац, но лекарите не успеале да ја спасат. Несреќата се случила околу 11 часот изутрина. Кога ренџерите од Националниот парк ја извлекле од студената вода, таа сè уште била жива, но околу 14.35 часот починала во болница.
„Поради повредите со кои се здоби во саботата на 17 март, со пад од 70 метри во езерото Гавановац во националниот парк Плитвички езера, една туристка од Јужна Кореја загинаа во Општата болница во Карловац, истиот ден“, потврдуваат од полицијата