ТРАМП И „ФРЛИЛ“ ОКО: САД ја обвинуваат Швајцарија дека е манипулатор
Објавено во: Економија 20 Април, 2017
Иако Швајцарија влијае на курсот на франкот, тоа го прави од други причини, на пример Кина, па помалку неоправдано се најде на американската листа светски малупулатори со курсот.
Американското министерство за финансии ја наведува Швајцарија како една од земјите кои манипулираат со курсот, споредувајќи ја со Јапонија, Кореја, Тајван, Кина и Германија.
Швајцарија, како што сметаат Американците исполнува два од три критериуми за да ја наречат манипулатор-одржува буџетски вишок и нејзината централна банка редовно интервенира на девизниот пазар.
Третиот критериум-трговскиот вишок со САД повисок од 20 милијарди долари-не го задоволила бидејќи има вишок од 13,7 милијарди. Централната банка на Швајцарија лани откупила 66 милијарди евра на девизниот пазар.
Аналитичарот на Адмирал Маркетс Јосип Кокановиќ вели дека таа банка навистина се обидува да манипулира со курсот на својата валута и тоа го признава.
„Во секое обраќање до јавноста наведува дека франкот е екстремно преценет и дека сака слабеење. Банката намерно продавала франци и купувала евра како би го ослабнала курсот. Меѓутоа, Швајцарците со тоа сакаат да спречат дефлација, а не директно да го зголемат извозот како што е случај кај Кина, истакнува валутниот аналитичар.