Трамп ја прослави грчката независност во Белата куќа
Објавено во: Свет 23 Март, 2018
Американскиот претседател Доналд Трамп ја продолжи традицијата на одбележување на Денот на грчката независност со свечена церемонија во Белата куќа. Вообичаено на оваа прослава се истакнува важноста на силното пријателство меѓу САД и Грција, а покани добиваат истакнати американци со грчко потекло, како и грчката ортодоксна црква.
Годинава прославата на грчката независност во Белата куќа поминала многу поскромно во однос на претходните години и речиси и да нема пренесено некоја поважна порака испратена од Трамп кон грчкиот народ или пак кон политичкиот државен врв.
Не е спомнато ниту прашањето за спорот за името, па така барем официјална и во јавност САД и натаму делува неутрално меѓу двата сојузника, не зазема страна и не врши особен притисок врз никого.
Трамп на прославата ги поздрави членовите на неговиот кабинет кои имаат грчко потекло и му посака добредојде на грчкиот архиепископ Димитриос. Претседателот на САД порача дека како пријатели заедно ќе се соочат со сите предизвици во иднина.