Трамп ќе остане без адвокати, главниот си даде оставка
Објавено во: Свет 22 Март, 2018
Главниот адвокат во случајот за мешањето на Русите во претседателските избори на САД во 2016, Џон Дауд одлучи да даде оставка, затоа што според неговиот тим, Трамп ги занемарува неговите совети.
Дауд беше раководител на адвокатскиот тим од минатото лето кога од таа позиција се повлече долгогодишниот личен адвокат на Трамп, Марк Касовиц.
Сега се чека на ново засилување на тимот откако минатата недела во тимот се вклучи адвокат задолжен за тужбата против ФБИ и Министерството за правда во која се тврди дека фабрикувале обвиненија против Трамп за неговата поврзаност со Русија додека траела предизборната кампања во 2016 година.