Tрамп планира да се кандидира на следните претседателски избори
Објавено во: Свет 01 Мај, 2021
Екс американскиот претседател Доналд Трамп нагласи дека ќе се кандидира за претседател на САД во 2024 година, пишува Индепендент.
Изјавата на Трамп е одговор на говорот на актуелниот претседател Џо Бајден пред Конгресот во средата, по неговите први 100 дена како претседател на САД.
Тој истакна дека „100 отсто размислува повторно да се кандидира“ и вети дека неговата кампања ќе биде „многу успешна“. Истовремено, ги повика своите верни поддржувачи да веруваат во неговото движење „Направи ја Америка повторно голема“.
Поранешниот претседател, се нарече „татко на вакцините“ и истакна дека заслужува поголемо признание за борбата против коронавирусот во САД. Доналд Трамп го обвини Бајден за „уништување на земјата“ со својата имиграциска политика на границата со Мексико и предупреди дека „убијци“ ја преплавуваат државата.