ТРАМП САКА ДА Ѝ ПОМОГНЕ НА УКРАИНА, НО ДАЛИ Е ТОА БЕСПЛАТНО: За возврат бара нешто од Украинците, но што точно, останува мистерија

Добивај вести на Viber

Американскиот претседател Доналд Трамп бара Украина да им обезбеди на САД ретки метали како услов за помош на земјата разурната од војна.

„Сакаме да склучиме договор со Украина каде тие ќе ни ги обезбедат нивните ретки метали како гаранција за она што ние ќе им го дадеме“, им рече Трамп на новинарите во Овалната соба.

- Украина изрази подготвеност да соработува во обезбедувањето основни материјали. Многу сектори се потпираат на нив - додаде тој.

Тој не прецизираше какви материјали бара Вашингтон од Киев.

Трамп, кој ја презеде функцијата на 20 јануари, вети дека брзо ќе стави крај на војната меѓу Русија и Украина, но не објасни како планира да го постигне тоа. Неговите помошници сугерираат дека преговорите би можеле да траат со месеци.

Трамп изрази подготвеност да разговара со Путин за завршување на војната, што е во спротивност со политиката на поранешниот демократски претседател Џо Бајден, кој избегнуваше контакт со рускиот лидер.

Изборната победа на Трамп во ноември ги зголеми надежите за дипломатско решение за ставање крај на руската инвазија на Украина, која започна во февруари 2022 година. Но, во Киев постои загриженост дека брзиот мировен договор може скапо да ја чини Украина.

(Kurir.rs/AFP)