Трговската војна на САД и Кина продолжува: Нафтата надмина 60 долари

Добивај вести на Viber

Цената на нафтата надмина ниво од 60 американски долари на меѓународните пазари, бидејќи трговците по поевтинувањето искористиле прилика за поволно купување.

На лондонскиот пазар цената на барелот пораснала 54 центи и изнесува 60,35 долари. На американскиот пазар барелот се тргувал по 35 центи повисока цена, поточно 55,04 долари.

Пазарот го здрма и загриженоста за раст на светските економии откако САД се заканија со дополнително зголемување на царините од увоз од Кина. Слабиот економски раст би значел и послаба побарувачка за нафта во две водечки светски економии, пренесе агенцијата Мина.

Напнатоста дополнително се заостри во почетокот на неделата откако САД официјално ја обвинува Кина за манипулирање со курсот на јуанот поради јакнење на конкурентноста на домашната економија.

-Благиот раст на цените скоро и да не е вреден за спомнување, пазарот на нафта и понатаму е блокиран од загриженоста за побарувачка и дополнителна ескалација на трговските судири-оценуваат светки банкари.

Вниманието сега се поклопува со неделните извештаи за залихи во САД, а се очекува и дека извештајот на Американскиот институт за нафта ќе покаже пад на залихите во минатата недела.

ОПЕК пак објави дека цената на барел нафта на нејзините членки во понеделникот изнесувала 60,54 долари , што значи дека била 1,13 долари пониска отколку претходниот ден.